"Туган як" агрофирмасы беренчеләрдән булып уракка төште

Кичә “Туган як” агрофирмасы, район буенча беренчеләрдән булып, уракка төште. 1500 гектарда үстерелгән көзге бодай уңышын җыю бара. Басуларда бүген 10 комбайн хәрәкәт итә. Икмәк ташуда КамАЗ машиналары эшли. Контроль суктыру нәтиҗәләре куанычлы – бодайның гектар биреме уртача 40 центнер тәшкил итә. Ә Скипетр сортлы көзге бодай уңышы тагын да югарырак булыр дип көтелә. Агрофирмада ашлыкны чистарту, киптерү һәм саклау өчен бөтен мөмкинлекләр дә бар. Җитештерелгән икмәкнең күп өлеше “Чаллы икмәге” җәмгыятенә озатыла.