ТР хәрби хезмәткә чакырылучыларны Президент полкына һәм Россия оборона министрлыгының фәнни ротларына озаттылар
Татарстаннан егермегә якын егет Мәскәү Кремле комендантының Президент полкына һәм Краснодар краенда «ЭРА» технополисында хезмәт итәчәк. Булачак солдатларны ТР хәрби комиссары генерал-майор Сергей Погодин озатты.
«Без егетләребезнең Мәскәү Кремле комендантының Президент полкында хезмәт итүе белән горурланабыз. Бу һәркемгә дә бирелмәгән», — диде Погодин.
Бер ел хезмәт итү дәверендә егетләр хәрби белгечлек алачак, физик форманы яхшыртачак, сафта әзерлекне, шәхси коралдан атуны һәм тагын берничә күнекмәләрне үзләштерәчәк, дип ассызыклады Погодин. Аның сүзләренә караганда, ашыгыч хезмәт вакытында хәрби хезмәткә чакырылучылар гомер буена яңа дуслар табачак.
Президент полкы өчен тышкы кыяфәтне һәм физик әзерлекне бәяләделәр: егетнең буе 180 сантиметрдан да ким булмаска тиеш. Моннан тыш, призывникның полициягә приводлары, татуировкалары, йөзендә шрамнар һәм сөйләм җитешсезлекләре булырга тиеш түгел.
Тулырак мәгълүмат: https://www.tatar-inform.ru/news/society/15-12-2020/prizyvnikov-rt-provodili-v-prezidentskiy-polk-i-nauchnye-roty-minoborony-rossii-5792851
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев