Тойгелде һәм Олы Чакмак авылы мәдәният йортларында капиталь төзекләндерү эшләре дәвам итә

Тойгелде һәм Олы Чакмак авылы мәдәният йортларында капиталь төзекләндерү эшләре дәвам итә. Ремонт эшләре "Авыл мәдәният йортларын капиталь төзлекләндерү" республика программасы ярдәме белән башкарыла. Олы Чакмак авылы мәдәният йортында тәрәзәләр, ишекләр алыштырылды, җылылык һәм электр линияләре яңартылды, бүгенге көндә эчке бизәкләү эшләре алып барыла. Тойгелде авылы мәдәният йортында түбә алыштыру эшләре башланып китте. Төзекләндерү эшләрен "Перфектстрой" оешмасы башкара.