Техника паркын яңарталар

Яшелләндерү һәм төзекләндерү унитар предприятиесенең техника паркы тулылана. Бу көннәрдә генә оешмага “АНТ-750” маркалы мини төягеч кайтты. Төзекләндерү эшләрендә кулланылучы әлеге техника җәен җир тигезләү, кышын зур техникалар керә алмаган урыннарда кар төяү өчен кулай булачак, ди предприятие җитәкчелеге. Шушы айда грейдер да кайтыр дип көтелә. Ул авыллардагы юлларны тигезләп, кышын кардан арындырып тору өчен файдаланылачак.