Татарстанда кар һәм буран көтелә

(Казан, 10 февраль, «Татар-информ»). Иртәгә, 11 февральдә, Татарстанда көньяктан килгән циклон йогынтысында һава шартлары үзгәрә башлый.

Республикада аязучан-болытлы һава торышы булачак. Төнлә бераз кар явуы ихтимал. Кайбер районнарда буран да чыгарга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәгенең матбугат хезмәте хәбәр итә.

Җил көнчыгыштан уртача тизлектә исәчәк. Төбәк юлларында бозлавык хасил булачак.

Төнлә республикада һава температурасы -17…-22 градус, көндез -11…-16 градус фаразлана.