Татарстанлылар Бөтенроссия халык санын алуда КФҮ аша катнаша алачак
Татарстан халкы Бөтенроссия халык санын алуда күп функцияле үзәкләр аша катнаша ала. Бу хакта Татарстан Республикасында КФҮ директоры Ленара Мозаффарова ведомство киңәшмәсендә хәбәр итте.
"Берничә айдан соң КФҮгә Бөтенроссия халык санын алуда катнашу өчен килергә мөмкин булачак. Күп функцияле үзәкләрдә стационар постлар эшләячәк", - дип сөйләде докладчы.
Мозаффарова билгеләп үткәнчә, гражданнарга шулай ук РФ Дәүләт хезмәтләре порталында электрон битне мөстәкыйль рәвештә тутыру мөмкинлеге биреләчәк.
"Халык санын алу кампаниясе башлануга тулырак мәгълүмат биреләчәк", - дип аңлатты ул.
КФҮ директоры 2020 елда Татарстан Президентын сайлау һәм Дәүләт Думасына һәм ТР Дәүләт Советына өстәмә сайлаулар узуын искә төшерде.
Тулырак мәгълүмат: https://www.tatar-inform.ru/news/society/05-02-2021/tatarstantsy-smogut-stat-uchastnikami-vserossiyskoy-perepisi-naseleniya-cherez-mfts-5804217
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев