Татарстанда тәүлек эчендә COVID-19 белән авыруның 44 яңа очрагы расланган

13 кеше хастаханәгә салынган, 31 кеше өйдә дәвалана. Яшь төркемнәре буенча алганда иң күп авыручы 60тан 70 яшькә кадәрге кешеләр (17 кеше).

Республика районнары һәм шәһәрләре буенча иң күп зарарлану очрагы Яр Чаллыда - 12 очрак. Казанда – 11, Түбән Камада – 3, Аксубай, Актаныш, Әлмәт, Яшел Үзән, Лаеш, Менделеевск, Нурлат районнарында – 2, Балтач, Биектау, Тәтеш, Тукай  районнарында берешәр очрак.

Барлыгы 15 июньгә Татарстанда COVID-19 белән 3958 авыру очрагы теркәлгән.

Барлыгы 2824 кеше дәваланган.