Татарстанда Сovid-19дан өйдә дәвалау өчен препаратларны ноябрь уртасыннан бирә башлыйлар

Татарстанда өйдә яңа коронавирус инфекциясеннән дәвалау өчен препаратлар аптекаларда ноябрь уртасыннан биреләчәк. Хәзер дарулар җитештерүчеләр һәм җибәрүчеләр белән контрактлар төзү буенча эш алып барыла. Бу хакта ТР сәламәтлек саклау министры урынбасары Фәридә Яркаева хәбәр итте.
«Татарстан Республикасында препаратларны җитештерүчеләр һәм җибәрүчеләр белән контрактлар төзү буенча эш алып барыла. Амбулатор шартларда пациентларны тәэмин итү тәртибе эшләнде. Ноябрь уртасыннан пациентлар өйдә коронавирус йогышы белән дәвалау өчен препаратлар ала алыр дип өметләнәбез", - дип билгеләде Яркаева.
Аның сүзләренә караганда, монополиягә каршы федераль хезмәт бәяләрне күзәтергә һәм антибиотикларга, вируска каршы препаратларга бәяләрнең артуына юл куймаска тиеш. «Без бу (контрактлар төзү) нәтиҗә бирер дип өметләнәбез, һәм без Татарстанда дару чараларының яңа партиясен алачакбыз», — дип билгеләп үтте ул.