Татарстанда планның өчтән бер өлеше файдалануга тапшырылган
Татарстанда ел башыннан 887,1 мең кв.метр торак файдалануга тапшырылган, бу планның 29,8% ын тәшкил итә. Бүген бу хакта киңәшмәдә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык муниципаль районнар белән видеоконференцэлемтә режимында ТР Президенты Рөстәм Миңнеханов уздырды. Анда шулай ук Татарстан Республикасы Премьер-министры Алексей Песошин да катнашты.
ТР Президенты каршындагы Дәүләт торак фондының инвестицион программасы буенча 20,5 мең кв.метр мәйданлы 363 фатирлы 11 йорт төзелгән.
Күп фатирлы инвестицион торак программасы буенча 2020 елда Татарстанда 1 млн.317,2 мең кв. метр мәйданлы 177 күп фатирлы йорт төзү планлаштырыла.
Хәзерге вакытта 348,0 мең кв. метр мәйданлы 49 күп фатирлы торак йорт файдалануга тапшырылган, бу планның 26,4% ын тәшкил итә. Моннан тыш, 68 йорт әзерлекнең югары дәрәҗәсендә, 51 йорт әзерлекнең уртача дәрәҗәсендә, тагын тугыз йорт әзерлекнең түбән дәрәҗәсендә тора.
Республикада бер ел эчендә 1 млн.388,2 мең кв. метр мәйданлы 10 мең 680 шәхси йорт төзергә җыеналар. 24 апрельгә 518,6 мең кв. метр мәйданлы 3 мең 990 йорт сафка бастырылган инде-планнан 37,4%.
Татарстан Республикасы Төзелеш министрлыгы җитәкчесе шулай ук 2020 елда ул җитәкләгән ведомствоның РФ Президенты Владимир Путин инициативасы белән алты милли проектны гамәлгә ашыруда катнашуын искәртте. Бу - «Демография», «торак һәм шәһәр мохите», «Экология», «мәгариф», «сәламәтлек саклау»һәм "мәдәният". Аларны финанслау күләме 15 млрд сумнан артып китә.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев