Мөслим-информ
Муслюмовский район
18+
Әлеге максаттан гомуми күләмдә 360 млн сум акча каралган.
("Татар-информ", Аяз Исмәгыйлев). Татарстанда савым сыер һәм кәҗә тоткан 65 мең шәхси хуҗалык бер тапкыр бирелә торган субсидия алачак. Бу сөткә сатып алу бәяләре төшү уңаеннан каралган чара. "Татар-информ"га бу хакта Татарстан авыл хуҗалыгы һәм азык-төлек министры урынбасары Ришат Хәбипов җиткерде.
"Татарстан Президенты тарафыннан бер тапкыр бирелә торган субсидия бүлү турында карар кабул ителде. Бер сыер тотучыларга субсидия күләме 2 мең, ике сыер асраучыларга 3 мең, өч һәм аннан да күбрәк булганда 4 мең каралган. Субсидияләр февраль аенда түләнәчәк", - дип хәбәр итте министр урынбасары.
Ул әлеге максаттан гомуми күләмдә 360 млн сум акча каралганлыгын әйтте. 335 млн сум акча шәхси хуҗалыкта сыер тотучыларга, ә калганы 1 башка 1 мең исәбеннән савым кәҗә асраучыларга биреләчәк.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев