Күрмәгәнне күрсәтә! Көчле яңгыр утны аерды, урамнардан бассейн ясады (ФОТОЛАР)

Туктаусыз коеп яуган яңгырлар үз эшен эшли: кичә Урыссуны су баскан. Әлеге видеоязманы социаль челтәрдән файдаланучылар тараткан, дип яза "Матбугат.ру" сайты.

Моннан тыш, көчле җил чыгу сәбәпле, Татарстанның 106 торак пунктында ут өзелгән. Аерым алганда, бүген Чистай, Нурлат, Кайбыч, Лаеш, Спас, Алабуга, Биектау районнарында һәм Казанның Салмачи бистәсендә электрны тоташтыру эшләре дәвам итә.

Ә алдагы кадрлар Ульяновсктан. Анда да җил-давыллы яңгырдан соң шәһәрне су баскан. Коточкыч күренеш, Алла сакласын!

ВИДЕОЛАРНЫ МОННАН КАРЫЙ АЛАСЫЗ: http://matbugat.ru/news/?id=19329.