Тарихчы Дамир Исхаков: Без татар халкының формалашуда бердәм булуын аңларга тиеш
Галим фикеренчә, Казан, Касыйм, Әстерхан, Кырым, Себер татарларының нигезе уртак, ә ханлык исемнәрендә беренче сүз башкаланың исеме генә булган.
"Татарлар" тапшыруында катнашучылар милләтнең этник бүленеше проблемалары турында фикер алыштылар.
Сәясәтче Руслан Айсин, татарларның элек-электән үз дәүләте, теле, ә халык укымышлы һәм динле булуын билгеләп үтте. Аның фикеренчә, татарларның Әстерхан һәм Себер татарларына бүленүе - территориаль бүленеш кенә, ул этник бүленеш түгел.
"Кайбер кешеләр әйтә: "Без мишәрләр, без шунда яшибез“,-диләр. Урыслар үзләрен мәсәлән "без Камчатка урыслары" димиләр. Шуны истә тотарга кирәк: без-бер халык, бердәм халык. Шуннан чыгып фикер йөртергә кирәк", - диде Руслан Айсин.
"Аерма бар, әмма безнең тел бер. Татар теле-бердәм тел, аның диалекталь вариантлары гына бар. Кемдер татарлар — табигый этнос түгел ди, әмма без зур территорияләрдә яшәсәк тә, бердәмлекне саклап кала алдык», — диде тарихчы.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев