Табигатьне саклау өчен 322,5 млн сум акча биреләчәк

Моннан берничә ел элек, халыкны чүпне тиешле урынга ташларга өйрәтеп булмый, дип чаң суга идек. Әмма республика күләмендә гамәлгә ашырылучы максатчан программалар ярдәме белән әлеге проблема әкренләп хәл ителеп килә. Узган ел җирлегебездә 71 авылда 300 дән артык сакцияләнмәгән чүплек табылды. Республикада бирелә торган грант акчаларына дүрт чүп җыю машинасы сатып алынды, ике махсус полигон булдырылды.

Парклар һәм скверлар елы кысаларында сафка баскан "Курай" паркы, "Пушкин" скверы райондашларыбызның гына түгел, кайткан кунакларның да яратып ял итә торган урынына әйләнде. Су саклау зоналары елы кысаларында узган ел Мөслимебезнең Ык елгасы ярындагы мәйдан танымаслык булып үзгәрде. "Кояшлы Ык" ял зонасы кыш көне дә үзенә тартып тора.