Сәнгать мәктәбе кунаклар кабул итте

Бу көннәрдә Мөслимебез зур кунаклар кабул итә. Республиканың иң танылган язучы-әдипләре, алар белән бергә Мөслим районында туып үскән якташ әдипләребез – җирлегебездә кунакта. Ел саен оештырылучы әлеге очрашу кысаларында бүген әдәбият әһелләре Мөслим сәнгать мәктәбендә дә булды. Алар мәктәп тормышы, балаларның иҗаты белән якыннан танышты. Язучылар делегациясен озата йөргән мәктәп директоры Айгөл Фәттахова мәктәп музеендагы тарихи мәгълүматлар белән дә таныштырды.