Шәхси ихатада ут чыга

Катмыш авылында иртәнге 6-7 сәгать аралыгында шәхси ихатада ут чыгып, мунчага ут каба. Электр чыбыгындагы кыска ялганыш аркасында мунчаның эче тулысынча янып бетә. Мөслим һәм Сарман районнары буенча янгын күзәтчелеге бүлеге халыктан бу чорда аеруча сак булуларын сорый. Җәй - янгыннар куркынычын бермә-бер арттыра. "Өйләрдәге электр чыбыгы 10-15 елга бер мәртәбә яңартылып торырга тиеш. 
Өйгә ремонт ясаганда электр чыбыкларын вагонка астында качырып калдыру, аларның төзеклеген тикшермәү бик аяныч хәлләргә китерергә мөмкин", - ди бүлек инспекторы Илнар Идиятов.