Сазлыклы җирләрне киптерү

Җаваплылыгы чикләнгән “Мелиорация” Мөслим предприятиесе”  җәмгыяте узган ел “Афзалов” фермер хуҗалыгында сазлыклы җирләргә киптерү уздырган. Бу эш 340 гектар мәйданда башкарылган. 15 километрдан артык озынлыкта полиэтилен торба салып, чәчүлек җирләр ясалган. Моннан тыш Ольгино буасында су басуга каршы чаралар эшләде. Җәмгысе 240 кубометр мәйданда бетон эшләре башкарылган – су ташлагыч ясалган, задвижкалар алыштырылган. Быел Ольгино буасында максатчан федераль программа нигезендә реконструкция эшләре башланды. 90 млн сумга бәяләнгән эш ике елга планлаштырылган.