Рөстәм Миңнеханов: Covid-19 очракларының аз булуы тынычлану өчен сәбәп түгел

Татарстан Республикасы Президенты Рөстәм Миңнеханов республика халкын Covid-19 авыруы очракларының аз булуына карамастан татарстанлыларга элеккечә үк барлык саклык чараларын үтәргә кирәклеген белдерде. Бу хакта республика җитәкчесе узган киңәшмәдә әйтте.
Татарстан Президенты искә төшергәнчә, Россиядә коронавирус белән зарарланган кешеләр саны арта.
«Үсеш темплары бездә әлегә 0,3%. Без Россиядә дә, округта да уңай урын алып торабыз, әмма бу безгә тынычлану өчен сәбәп түгел. Бүген бездә булган проблемалардан тыш, грипп белән авыручылар саны артуы да көтелә, хәзер вакцинация үткәрәбез. Хәзер вакциналарның икенче траншын көтәбез, бу эшне дәвам итәргә кирәк», — дип ассызыклады Рөстәм Миңнеханов.
Ул шулай ук куркынычсызлык кагыйдәләрен үтәмәгән өчен вазифаи затларга катгый җәза бирергә өндәде.
«Без битлекләрне кию, кулларны эшкәртү, гриппка каршы вакцинация ясау, аңлату эшләре алып бару мөһим», — дип билгеләп үтте Рөстәм Миңнеханов. 
Тулырак мәгълүмат: https://www.tatar-inform.ru/news/society/26-09-2020/minnihanov-maloe-kolichestvo-sluchaev-covid-19-ne-povod-dlya-uspokoeniya-5774467