Россия фастфудтан салымнар симерүне дәвалауга юнәлдерергә тәкъдим иттеләр

Фастфудтан кергән салымнарны Россиядә симерүне профилактикалауга һәм дәвалауга юнәлдерергә тәкъдим иттеләр. Бу хакта РФ Дәүләт Думасының ТР буенча депутаты Борис Менделевичка сылтама белән РИА Новости хәбәр итә.
«Мин хәзер мәсьәләне өйрәнәм һәм мондый закон проектын эшләү мөмкинлеген карыйм. Минемчә, яңа документ өч төп аспектны чагылдырырга тиеш: продуктларның калориясен чикләү, фастфудка салым һәм ярлылык дәрәҗәсен киметү", - дип уртаклашты Менделевич.
Аның сүзләренә караганда, хәзер Россиядә артык тән массасы белән 55% кеше интегә. Шуңа күрә әлеге проблема белән көрәш буенча закон кабул итү зарурлыкка әверелә.
Шулай ук, эксперт фикеренчә, «төрелмәләрдәге продуктның калориялелеге турында мәгълүматны арттыру, шулай ук менюда калорийлык турында мәгълүматны бастыру» яхшы нәтиҗә бирергә мөмкин. Парламентарий Салым кодексына да шундый үзгәрешләр кертергә тәкъдим итә. Фастфудны гамәлгә ашыру өчен җыелган салымнарны симерүгә бәйле авыруларны профилактикалауга һәм алар белән көрәшкә юнәлдерергә кирәк дип саный ул.
Тулырак мәгълүмат: https://www.tatar-inform.ru/news/health/06-11-2020/nalogi-ot-fastfuda-v-rossii-predlozhili-napravit-na-lechenie-ozhireniya-5783769