"Туган як" уңганы

Рәүф Бакыев “Туган як” агрофирмасының Югары Табын бүлекчәсендә бозаулар карый. Аның төркемендә 120 баш терлек исәпләнә. Бозауларның тәүлеклек үсеше 500-600 грамм тәшкил итсә, бер айга әлеге күрсәткеч 33 килограммга кадәр җитә. “Бик тынгысыз, үтә дә тырыш, җаваплы хезмәткәр”, – ди аның турында ферма мөдире Венера Закирова. Мәлләтамак егете Рәүф үзен белә-белгәннән бирле колхозда, терлекчелек тармагында эшли. Югары хезмәт күрсәткечләренә ирешкән Рәүф Бакыев быел авыл хуҗалыгы алдынгыларының район слетында да хөрмәтләнде.