Рейдлар дәвам итә

Мөслим һәм Сарман районнары буенча янгын күзәтчелеге бүлеге мәгариф учреждениеләрендә рейдлар уздыруны дәвам итә. “Планнан тыш тикшерү вакытында Тойгелде һәм Күбәк мәктәпләрендә, Яңа Сәет авылының “Чулпан” балалар бакчасында янгын кагыйдәләре тиешенчә үтәлмәгән. Әлеге мәгариф учреждениеләрендә планнан тыш тикшерү вакытында да кимчелекләр табылган иде. Әлеге мәгариф учреждениеләре җитәкчеләренә карата административ хокук бозу турында беркетмә төзелде, тикшерү материаллары җәмәгать судына җибәрелде”, – ди бүлек инспекторы Илнар Идиятов.