Мөслим кешесен 70 меңгә алдаганнар

“Мошенниклык очраклары арта. Узган атнада тагын бер райондашыбыз – 1962 елгы хатын-кыз алдарлар кармагына эләкте. “В контакте” социаль челтәрендә ялган бит аша “танышы” акча белән ярдәм итүен сорый. Банк картасының мәгълүматларын әйтеп бирү белән, райондашыбызның картасыннан 77 292 сум акчасы юкка чыга. Шул вакытта гына хатын-кыз алданганын аңлап ала. Бүгенге көндә тикшерү эше бара. “Райондашларыбыз уяу булыгыз! Якыннарыгыз акча сорый икән, иң элек ул кеше белән телефон аша элемтәгә керегез! Банк картасының мәгълүматларын берәүгә дә хәбәр итәргә ярамый, алар бары тик сезнең өчен генә билгеле булырга тиеш!” – ди район эчке эшләр бүлегенең уголовный розыск җитәкчесе Булат Җамалиев.

Фото - Pixabay.com