Райондашларыбыз бүләкләнде

Озак еллар районда гражданнарның хокукларын һәм законлы мәнфәгатьләрен яклауда, законлылыкны ныгытуда куйган фидакарь хезмәте өчен ТР Мөслим районы халык суды рәисе Миңнуллина Гөлия Рафак кызы район башлыгының Рәхмәт хаты белән бүләкләнде.

Ирекле халык дружиналары вазыйфаларына җаваплы карап, җәмәгать тәртибен саклауда халыкның ирекле катнашуын пропагандалауда һәм үстерүдә зур өлеш керткәннәре өчен “Миләшкәй” балалар бакчасы коллективы, иң яхшы ирекле халык дружинасы командиры буларак – “Таттелеком” ААҖ район электр элемтәсе узелы инженеры Хәертдинова Лилия Фәнис кызы, үзәкләштерелгән китапханәнең эшкәртү һәм туплау бүлеге мөдире Минһаҗева Гөлнара Камил кызы район башлыгының Рәхмәт хаты белән бүләкләнде.