Район үзәк хастаханәсендә “Янгын техник минимумы кагыйдәләре” буенча укулар үтте

Анда Мөслим һәм Сарман районнары буенча янгын күзәтчелеге бүлеге урынбасары Алмаз Әфләтунов чыгыш ясап, янгынны булдырмый калуда чаралар белән таныштырды. “Узган ун айда Татарстан буенча янгыннар саны 10 процентка артты. Янгыннарның төп сәбәбе – ут белән саксыз эш итү, электр җиһазларын урнаштыру һәм эксплуатацияләү кагыйдәләрен бозу. Янгыннарда кешеләрнең үлүе белән бәйле вәзгыять киеренке кала Бүгенге көн күрсәткечләре алдагы елныкыннан 19 процентка артык. “Йортларда янгын турында хәбәр бирүче автоном янгын җайланмаларын кую көтелмәгән хәлләрдән саклый. 2021 елның ноябрендә РФ Гадәттән тыш хәлләр министрлыгының ТР буенча баш идарәсе “Автоном җайланма куй –  якташларыңны сакла!” исемле бөтенхалык акциясенә старт бирде, – дип хәбәр итә бүлек инспекторы Илнар Идиятуллин.