Пенсия грамоталылыгының бердәм көне

14 ноябрь көнне Пенсия фонды Пенсия грамоталылыгының бердәм көне дип игълан итте. Гимназиядә, лицейда, Г. Тукай исемендәге Мөслим урта мәктәбендә һәм Мөслим политехникумында пенсия тәэмин итүе нигезләре буенча лекцияләр укылды. Клиентлар кабул итү хезмәте хезмәткәрләре 9-11 сыйныф укучыларына һәм политехникум студентларына пенсия хокуклары, аларны формалаштыру, СНИЛС картасы һ. б. турында сөйләде. Пенсия фондының мәгълүмати-аңлату кампаниясе мондый чараларның ел ахырына кадәр дәвам итәчәге турында хәбәр итә.