Пассажирлар йөртү” профилактик операциясе бара

5 апрельдән 15 апрельгә кадәр “Пассажирлар йөртү” профилактик операциясе бара. Бу чорда Мөслим эчендә йөрүче таксилар һәм укучыларны йөртүче автобуслар тикшерелә. “Балаларны автобусларда йөртүне контрольдә тоту буенча эш алып барыла. Балалар төркемнәрен оешкан төстә йөртү кимендә ике ел “Д” категориясенә ия булган, бер ел дәвамында юлда хокук бозулар өчен идарә итү хокукыннан мәхрүм итү яки административ кулга алу рәвешендә административ җаваплылыкка тартылмаган шоферларга рөхсәт ителә”, – ди ДАИ җитәкчесе Айнур Хәйретдинов.