Очрашулар дәвам итә

“Балалар куркынычсызлыгы айлыгы” кысаларында мәктәпләрдә тематик очрашулар дәвам итә. Мөслим һәм Сарман районнары буенча янгын күзәтчелеге бүлеге җитәкчесе урынбасары Рушан Фәрхетдинов Тат. Бүләр, Мари Бүләр, Күбәк урта мәктәпләрендә укучылар белән очрашты. Янгын куркынычсызлыгы кагыйдәләре буенча үткәрелгән дәресләрдә балалар, фикер алышу белән генә чикләнмичә, иминлекне тәэмин итү буенча үзләренең идеяләрен дә тәкъдим итте. Мондый төр очрашулар районның калган мәктәпләрендә дә дәвам итәчәк.