Мөслимдә соңгы ике көндә ашыгыч ярдәм бүлегенә 54 чакыру һәм мөрәҗәгать булган

Соңгы ике көндә район үзәк хастаханәсенең ашыгыч ярдәм бүлегенә 54 чакыру һәм мөрәҗәгать булган. Аларның күбесе - йөрәк-кан тамырлары авырулары белән интегүчеләр һәм көнкүрештә тән җәрәхәте алучылар. "Кышның соңгы аенда кискен респиратор вирус инфекцияләре очрагы артты. Соңгы ике көндә 9 сабыйга шундый диагноз куелды. 7 кеше дәвалауга салынды. Вирус сизелерлек артка чигенсә дә, балалар бик еш авырый. Һава торышының тотрыксыз булуын исәпкә алып, сәламәтлегегезгә карата игътибарлы булыгыз", - дип искәртә табиблар.