Мөслимдә 67 кешегә административ беркетмәләр төзелгән

Үзизоляция режимы игълан ителгәннән соң, җирлегебездә 67 кешегә, режим бозган өчен, административ беркетмәләр төзелгән. Һәрберсенә бер мең сумнан алып 30 мең сумга кадәр штраф салынган. "67 беркетмәнең 27се бер атна эчендә генә төзелде. Халык уяулыкны югалтты. Саграк булсыннар иде. Кибетләргә шулай ук халык маскалар-перчаткалардан керергә тиеш. Шәхси саклану чараларыннан башка йөрүчеләргә дә бу атнадан штрафлар салына башлады",- ди ДАИ начальнигы Айнур Хәйретдинов.