Мөслим йолдызлары сәхнә тотты

Район мәдәният йортында “Созвездие-Йолдызлык” ачык республика телевизион-эстрада фестиваленең район туры узды. Анда җыр-моң, нәфис сүз һәм биюне яратучы меңгә якын бала катнашты. Быелгы фестиваль дә алты зонада үтте. Зонада җиңүче дип табылган номерлар бәйгенең финалына узды. Гала-концертта 250гә якын бала чыгыш ясады. Алар арасында 7 бию ансамбле, 5 вокаль ансамбль, 17 конферансье һәм 20гә якын солист бар иде. Җиңүчеләргә район мәдәният бүлегенең дипломнары һәм кыйммәтле бүләкләр тапшырылды. Иң яхшылар “Созвездие-Йолдызлык” фестиваленең 9-10 март көннәрендә Менделеевск шәһәрендә узачак республика зона турында Мөслим данын яклаячак.