Мөслим ветеринарлары маллардан кан ала
Маллар лейкоз, бруцеллез авыруларына тикшерү үтә.
Район ветеринария берләшмәсе табиблары бу көннәрдә терлекчелек белән шөгыльләнүче крестьян-фермер хуҗалыкларында һәм гаилә фермаларында лейкоз, бруцеллез авыруына тикшерү өчен маллардан кан ала. Шул ук вакытта терлекләргә себер түләмәсе, эмкар һәм котыру авыруларына каршы – профилактик вакцинация, туберкулезга тикшерү уздырыла. Әлеге чаралар дүрт хуҗалыкта 190 баш терлеккә үткәрелде. Ветеринарлар “Август-Мөслим” агрофирмасында терлекләргә тояк чиренә каршы профилактик чаралар үткәрә, торакларны агарту һәм дезинфекцияләү дә бара. Әлеге чаралар “Туган як” агрофирмасында үтте инде.
Флүн Вилданов фотосы.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев