Мөслим политехника техникумын быел 34 укучы тәмамлый

Аларның 11е – эретеп ябыштыручы, 23е тракторчы-машинист белгечлеге алып чыга. Алар арасында Азнакай, Минзәлә, Актаныш, Сарман районнары егетләре дә бар. Техникумда яңа төр һөнәрләр тагын артыр дип көтелә. Алга таба автомеханик, җәмәгать туклануы технологы, электрик һөнәрләренә уку, кыска вакыт эчендә яңа һөнәрләр үзләштерү, квалификация күтәрү мөмкинлекләре дә барлыкка киләчәк. 2021 нче елның 1 сентябреннән Түбән Табын интернат-мәктәбе укучыларына да техникумда уку мөмкинлеге булачак. Алар, 1 ел 10 ай укып, штукатур-маляр белгечлеге алып чыгачаклар. Балаларга бүгенге көндә 8 укытучы һәм 13 мастер белем бирә.