Мөслим “Мирас” командасы Мәскәүгә бара

Яр Чаллы шәһәрендә 2005-2006 елгы малайлар арасында мини-футбол буенча Бөтенроссия турнирының ярымфинал ярышлары узды. Ярышта 15 команда катнашты. Район данын яклап чыгыш ясаган "Мирас" командасы 19-22 апрель көннәрендә Мәскәү шәһәрендә узачак финал ярышларында катнашу хокукын алды. Нәргиз Хәсәншинга иң яхшы уенчы исеме бирелде. Бәйгедә катнашу мөмкинлеген тудырган өчен мәгариф идарәсе районның футбол федерациясе рәисе Нияз Габдрахмановка рәхмәт белдерә.