Алдарлар корбаны булмагыз!

Ел башыннан районда ун мошенниклык очрагы теркәлде. Ольгино авылыннан бер ир-ат алдарлар кармагына эләгә. “14 июнь көнне бәлага таручы район эчке эшләр бүлегенә мөрәҗәгать итте. 2021 елның ноябрендә билгесез зат инвестицияләү сәбәбе белән райондашыбызның 208 мең 225 сум акчасын урлый. Акчаның төрле виртуаль исәп-хисап счетларына күчерелүе билгеле. Бүгенге көндә билгесез затка карата җинаять эше кузгатылган. Мошенникларны табу һәм акчаны кире кайтару бик авыр. Алдарлар корбаны булмагыз, карта номерыгызны беркемгә дә хәбәр итмәгез! Җиңел акча артыннан куып, булганыннан колак какмагыз!” – ди уголовный розыск бүлеге җитәкчесе Булат Замалиев.

Фото - Pixabay.com