"Могҗизалар кыры" уены үткәрелде

2 декабрь көнне Мөслим картлар һәм инвалидлар интернат-йортында "Үзәк китапханә" хезмәткәрләре  «Балачак әкиятләре» дигән темага «Могҗизалар кыры» дигән күңелле, кызыклы , танып-белү-күңел ачу тамашасы үткәрделәр. Чара мөмкинлекләре чикле кешеләр декадасына әзерләнгән иде. Күңел ачу тамашасы башында уен кагыйдәләре аңлатылды һәм уенчылар өчлеге билгеләнде. Социаль хезмәтләрдән файдаланучылар уенда бик теләп катнаштылар, фикер алыштылар, мөмкин кадәр күбрәк дөрес хәреф әйтергә тырыштылар. Җанатарлар барлык уенчыларга да актив ярдәм күрсәттеләр ,уенчылар барабанны әйләндергәндә үзләре белән таныштырдылар, алып баручының сорауларына җавап бирделәр.