Имам-хатыйплар да укый

Кичә "Экстримизмга - юк!" айлыгы кысаларында Җәмигъ мәчетендә район имам хатыйплары өчен укулар оештырылды. Соңыннан "Карина" кафесында Мәлләтамак авылы "Сөләйман" мәчете имам хатыйбы Өлфәт хәзрәт Мортазинның 80 яшьлек юбилеена багышланган мәҗлес булды. 
Кунаклар юбилярга изге теләкләрен җиткерде, матур тормыш, хезмәт юлы үтүе, халыкка рухи тәрбия бирүдә куйган хезмәте өчен рәхмәтләрен җиткерделәр. Өлфәт хәзрәт күпьеллык нәтиҗәле хезмәте өчен һәм юбилее уңаеннан район башлыгының Мактау грамотасы белән бүләкләнде.