Мәгарифне үстерү программасы

Һәр дәүләтнең байлыгы һәм киләчәккә өмете – балаларда. Илебез киләчәгенә ныклы фундамент салу өчен һәр балага дөрес белем һәм тәрбия бирү зур әһәмияткә ия. Татарстанда мәгарифне үстерү программасы нигезендә 10 ел эчендә 379 балалар бакчасы, 819 мәктәп ремонтланган. Яңа төзелгән мәктәпләрдә 28 мең, балалар бакчаларында 37 мең ярым урын булдырылган. 2022 нче елга “Демография” милли проект кысаларында балалар бакчаларында өстәмә 10 мең урын булдыру максат итеп куелган.