Мәгариф хезмәткәрләренең август киңәшмәсе

Мәгариф хезмәткәрләренең август киңәшмәсе узды. Укытучы дигән олы исемне лаеклы йөртеп, гомерләрен балалар тәрбияләүгә һәм бүген лаеклы ялга китүче ветераннар, быел районыбызга кайткан 6 яшь белгеч сәхнә түренә чакырылды. Шулай ук мәгариф өлкәсендәге казанышлары өчен балалар бакчалары тәрбиячеләре, укытучылар бүләкләнде.
Пленар өлештә мәгариф идарәсе җитәкчесе Лилия Хабибуллина узган уку елына йомгак ясады. Район башлыгы Рамил Муллин, мәгариф министрлыгы вәкиле Ләйсән Гайфуллина, "Татнефть" җәмгыяте генераль директоры урынбасары Азат Ягәфәров чыгышлары булды.
Район Башлыгы мәгариф хезмәткәрләренә зур рәхмәтен һәм изге теләкләрен җиткерде.