Мәгариф хезмәткәрләре арасында иң көчле 3 команда билгеләнде

Укытучыларның V кышкы спартакиадасында быел 20 мәктәптән 335 укытучы катнашты. Мөгаллимнәр веб-йөгерү, чаңгы ярышы, шорт-трек, өстәл теннисы, турникта күтәрелү, канат тарту һ.б. спорт төрләрендә көч сынашты. База мәктәпләре арасында лицей беренче урынга чыкты. Гимназия - икенче, Г. Тукай исемендәге урта мәктәп өченче урында. Укучылар саны 60 укучыдан ким булган мәктәпләр арасында беренче өчлектә - Түбән Табын, Әмәкәй, Олы Чакмак мәктәпләре. Шәхси беренчелектә җиңү яулаган укытучылар 18 февраль көнне Актаныш районында үтәчәк республика финал ярышларында район данын яклаячак.