Май чабу бәйрәме гөрләп узды

Ул кышны озату һәм язны каршы алу йоласы. Май чабу бәйрәме, һәр елдагыча, Рус Шуган авыл җирлегендә зурлап уздырылды. Бәйрәмдә район җитәкчелеге катнашты һәм чарада катнашучыларны бәйрәм белән котлады.
Яз һәм узып баручы кыш турындагы җырларга яше дә карты да биеде. Бәйрәм программасында театральләштерелгән тамаша да каралган иде. Авыл халкы рәхәтләнеп әйлән-бәйлән уйнады, коймак, тәм-томнар белән кайнар чәй эчте. Бала-чага бизәлгән җигүле атларда авыл урамнарын әйләнде.
Лилия Шәймиева, Динар Минһаҗев.