Люк яны төзекләндерелде

Райондашыбыз «Официаль Муслюмово» инстаграмм аккаунтына Банк урамында люк яны торышы буенча борчуын җиткергән.
"Карапуз магазины каршында люк куркыныч хәлдә, чарасын күрсеннәр иде! Мөслим!",- дип язган автор.
Шундый ук шикаять администрациянең Вконтакте социаль челтәрендәге рәсми төркеменә дә кергән.
«Мөслим муниципаль районы Башкарма комитеты мөслимлеләрнең әлеге шикаятьләрен игътибарга алды һәм хезмәт күрсәтүче оешмага җибәрелде.
Әлеге мөрәҗәгать «Мөслим инженерлык челтәре» хезмәт күрсәтүче оешмасы эшенә кабул ителде, люк яны төзекләндерелде.
Сезнең кисәтүләрегез һәм мөрәҗәгатьләрегез өчен районыбызның битараф булмаган халкына зур рәхмәт белдерәбез. Төзекләндерү һәм чистарту мәсьәләләре буенча сез кайнар линиягә 8(85556) 2-38-38 телефоны буенча мөрәҗәгать итә аласыз» - дип хәбәр итә Мөслим муниципаль районы мәгълүмат үзәге.