Ләйсәннән – чүлмәк ашы
Итле-бәрәңгеле ри¬зыклар иң тәмлеләрдән санала. Райондашы¬быз Ләйсән Харисова¬дан чүлмәктә пешкән итле бәрәңге рецептын тәкъдим итәбез.
Кирәкле ингредиентлар: 400 грамм сыер ите, уртача зурлыктагы бер баш суган, 6-8 данә бәрәңге, ике тырнак сарымсак, 2 аш кашыгы томат пастасы, кыздыру өчен көнбагыш мае, тәмләткечләр (ярты чәй калагы тоз һәм кара борыч, бер данә лавр яфрагы), су.
Әзерләү тәртибе. Суган белән кишерне кыздырабыз. Бераздан аңа томат пастасы салабыз һәм тагын бераз пешерәбез. Әлеге катнашманы бер тәлинкәгә бушатып, алып куябыз. Шул ук табада 5-7 минут чамасы итне кыздырабыз. Ит өстенә вак итеп туралган сарымсак салып, тагын бераз кыздырабыз. Итне һәм шакмаклап туралган бәрәңгене, суган белән кишерне чүлмәкләргә бүлеп салабыз. Тоз, борыч сибәбез. Чүлмәкләргә су һәм берешәр лавр яфрагы салабыз. Чүлмәкләрдәге итле бәрәңгене 190 градускача кызган духовкада 1-1,5 сәгать пешерәбез. Табынга ваклап туралган укроп сибеп бирәбез.
Тәмле булсын!
Рубриканы Лилия Шәймиева алып бара.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев