Кызыклы фактлар

Император пингвиннары 500 метр тирәнлеккә чума һәм 18 ми­нут сулыш алмый тора ала.

Зәңгәр китның авырлыгы 3 филнеке кадәр. Дөньядагы иң зур хайван да – зәңгәр кит.

Акчарлаклар тозлы су эчә ала.

Еланнар күз кабагы аша күрә.

Әкәм-төкәм тоташ 3 ел йо­клый ала.

Кырмыскалар беркайчан да йокламый. Алар көнгә ике тап­кыр сигезәр минут ял итеп ала.

Күбәләкләр азыкның тәмен аяклары белән белә.

Кайбер күбәләкләр зур кешенең учы кадәр зурлыкта үсә ала.

Бал кортының ашказанын­нан тыш, бал җыю өчен аерым урыны бар.

Энә карагы төрле юнәлештә оча ала: алга, артка һәм як-якка.

Тарантул үрмәкүче 2 ел азык­сыз тора ала.

Ирландия, Исландия, Грен­ландия һәм Антарктидада елан­нар юк.

Чаян караңгыда яктырып күренә.

Күселәрне кытыкласаң, алар көлә ала.

Сукыр тычкан төн эчендә 300 метр озынлыктагы тоннель ка­зый ала.

Мәчесыманнар семьялыгын­нан булган оцелотлар бик яхшы йөзә.

Басенджи токымлы этләр бөтенләй өрми.

Теле ал төстә булмаган бердәнбер эт – чау-чау.

Атларның хәтере яхшы. Алар кешеләрне, әйберләрне, шулай ук кайчандыр белгән һөнәрләрен истә калдыра.

Сыерныкына караганда, кәҗә сөтендә май 5 тапкыр кимрәк. Сыер сөте – 1 сәгать, кәҗәнеке 20 минут үзләштерелә.

Тавык елга уртача 190 йомыр­ка сала.

Пошиның мөгезләре бик сиз­гер.

Ак аюлар сулагай була.

Филнең теше 200 килограмм­га кадәр була ала.

Яңа туган фил баласы 100 кг тирәсе була.

Гел елмаеп торганга, квок­ка (көнгерәләр семьялыгыннан кыска койрыклы җәнлек) иң бәхетле хайван дип санала.

Коалаларның бармак эзләре кешенекенә охшаган.

Юлбарысның тиресе генә түгел, тәне дә юллы-юллы.

Арысланнар 2 яшь тулмыйча ырылдый алмый.

Хамелеон күзләрен бер үк ва­кытта төрле якка йөртә ала.

Бөркет 250 км/сәгатьтән ар­тык тизлек белән оча ала.

Тавис кошы – әтәчнең бик якын туганы. Ул тавыксыман­нар арасында иң матур кош дип санала.

Фламинголарның матур төсе аларның каротинга бай суүсемнәр ашаулары белән бәйле.

Байбак (сурок) куркыныч яна­ганда сызгыра.

Һиндстанда 50 миллион май­мыл бар.

Дөя 2 атна сусыз тора ала.

Эму дигән кош артка таба йөри алмый.

Кызыл пандалар үзләренең йомшак койрыкларын җылыну өчен өсләренә ябалар.

Коры җир ташбакалары баш­ларын кабырчыгына яшерә, диңгез ташбакасы болай эшләми.

Су юлында очраган матдәләрне, эретеп, диңгезгә һәм океаннарга алып төшә. Үсемлек тамырлары су белән бергә дымлы туфрактан анда булган матдәләрне дә суыра. Су, үсемлек сабагы буенча менеп, яфраклары аша яңадан һавага пар рәвешендә күтәрелә.

Суның коры җирдәге төп чы­ганагы – тау бозлары. Алар күп суны җәй көне бозлар һәм кар­лар эрегәндә бирәләр.

Суның атмосферада булуы ур­тача 10 көн итеп билгеләнсә дә, гел үзгәреп тора. Елгалардагы су бер елга 30 тапкыр яки һәр 12 көн саен алмашына. Туфракта­гы дым 1 ел эчендә яңара. Агым­сулы күлләрдәге су – 10 ел, ак­мый торганнарында 200-300 ел эчендә алышынса, бөтендөнья океанындагы суның яңаруы 3000 елга сузыла. Әгәр дә елга пыч­ранган күлдән агып чыкса, ул чи­старсын өчен иң башта күл чи­старырга тиеш.

Организмдагы төрле тукы­малар төрле күләмдә су тоталар. Суга иң бай тукыма ул – күзнең пыяла сыман тәне (99 проценты су), ә суга иң ярлысы – теш эма­ле, анда су – бары тик 0,2 про­цент кына.