Кышка әзерлек ничек бара?

Авыл хуҗалыгы формированиеләрендә төп көч терлек азыгы әзерләүгә юнәлдерелгән. Басуларда 60тан артык техника эшли. Район буенча 15 мең 760 тонна сенаж, 1 мең 400 тонна печән әзерләнде. Бу – һәр шартлы терлеккә 11 центнер азык берәмлеге азык туры килә, дигән сүз. Кышка иң күп азык запасы “Туган як” агрофирмасында тупланды. “Август-Мөслим”дә һәр шартлы терлеккә әлегә 12 центнер азык берәмлеге әзерләнде. “Сенаж салганда консервантлар һәм әчеткеч тә кулланыла. Базларны кыска срокта тутыру максат итеп куела”, – ди белгечләр.