Күләмле эшләр башкарыла

Авыл җирлекләрендә күләмле эшләр нигездә үзара салым акчасы хисабына башкарыла. Үрәзмәт авыл җирлегенә керүче Сикия, Бүләк, Үрәзмәт авылларында лампочкалар алыштырылган. Бу эшне “Мөслим утлары” оешмасы башкарган. Сикиядә 300 метр озынлыгында чишмә территориясе профнастил койма белән әйләндереп алынган. Авыл эчендәге юллар “Төзекләндерү һәм яшелләндерү“ оешмасы тарафыннан грейдер белән эттерелгән. Бүләк һәм Үрәзмәт авылларындагы юлларга гравий җәелгән. Бу эшне “Мост” оешмасы башкарган. “Фирман” җәмгыяте Сикия, Үрәзмәт һәм Чишмә авылларында карт агачларны кискән.