Китап сөючегә – бүләк

Күбәк урта мәктәбе укучылары арасында “Иң күп китап укучы” рейтингы уздырыла. Ел дәвамында китапханәдән китап алып укучылар теркәлеп барылачак һәм уку елы азагында – Соңгы кыңгырау бәйрәмендә иң күп китап укучыларга кыйммәтле бүләкләр биреләчәк. 1-6 сыйныфлар арасыннан өч укучыга Ижевск шәһәрендәге зоопаркка билет “елмайса”, 7-11 сыйныфлардан тагын өч укучы исә үзләре теләгән шәһәргә – Казан, Уфа, Болгарга сәяхәт отачаклар. Чараның спонсоры – Иске Карамалы авылы китапханәчесе Гөлназ Шәмсиева.