Мари-Бүләрдә янгын булды

Мари-Бүләр авылындагы шәхси хуҗалыкта янгын булды. Мунчага ут кабып, ялкын телләре янәшәдәге сарайга да күчә. Тикшерү барышында янгынның электр чыбыгындагы кыска ялганыш аркасында килеп чыгуы ачыкланган. Мөслим һәм Сарман районнары буенча янгын күзәтчелеге бүлеге инспекторы Вильям Тайбактин хәбәр итүенчә, сарай - өлешчә, ә мунча тулысынча янып беткән. 
Янгын нәтиҗәсендә һәлак булучылар һәм зыян күрүчеләр юк. Ел башыннан бу 28 нче янгын очрагы.

Илнар Идиятов фотолары