Хәйриячелеккә урын һәрвакыт бар!

Хәйриячелеккә бүген дә урын бар. “Бердәм Россия” партиясенең төбәк бүлеге һәм “Яшь гвардия”нең Татарстан бүлеге Донецк һәм Луганск халык республикаларыннан күченүчеләр өчен гуманитар ярдәм оештырды. Бу игелекле гамәлдән райондашларыбыз да читтә калмады. Мөслимдә гуманитар ярдәм штабы “Миз­гел” яшьләр үзәгендә урнаш­кан.

– Битараф булмаган һәркем кулыннан килгән кадәр ярдәм күрсәтте. Кием-салым белән бергә акчалата да ярдәм итүчеләр булды. Беренче чи­ратта көндәлек кирәк-ярак – сабын, шампунь, теш щетка­ларына ихтыяҗ зурдыр, дип уйлыйм, – ди “Мизгел” яшьләр үзәге җитәкчесе Зөлфия Фа­тыйхова.

Донецк һәм Луганск респу­бликаларыннан Татарстанга күченеп килүчеләр арасында балаларның да шактый булуы билгеле. “Мизгел”дә оешты­рылган штабка балалар өчен китаплар, уенчыклар, рәсем ясау өчен кирәк-яраклар да алып килергә була.

– Мөмкинлеге бул­ган һәркем ярдәм күрсәтә ала. Көнкүреш һәм гигие­на кирәк-яраклары алып килергә мөмкин. Азык- төлекнең яраклылык вакы­ты – озак вакытлы, ә кием- салым яхшы хәлдә яки яңа булсын иде. Бер дәфтәр, буяу китабы яки бер каләм дә ба­лалар өчен зур сөенеч бу­лачак, – ди район Башкар­ма комитеты җитәкчесенең социаль-мәдәни мәсьәләләр буенча урынбасары Марина Бәдретдинова.

Райондашларыбыз баш­ка гуманитар акцияләрдә дә актив катнаша. Марина Бәдретдинова хәбәр итүенчә, “Хәрбигә – бүләк” Рос­сия хатын-кызлар берлеге акциясендә катнашып, “Татар­стан хатын-кызлары” регио­наль иҗтимагый оешмасына караган җирлегебездәге оеш­малар тәүлек эчендә 44 мең сум акча җыйган. Әлеге сред­стволарга азык-төлек, шәхси гигиена әйберләре алынып, Казанга җибәрелгән. Район ве­тераннар советы, әфганчылар, аларның җитәкчеләре Да­нил Госманов, “Ак калфак” Бөтендөнья татар хатын-кыз­лар иҗтимагый оешмасының Мөслим бүлеге акциядә аеру­ча активлык күрсәткән. Во­лонтерлар буларак, Мөслим районында клиентларны ка­бул итү хезмәте җитәкчесе Фәридә Ганиева, Мөслимдәге “Кояшкай” балалар бакчасы җитәкчесе Миләүшә Солтано­ва, үзәк китапханә, социаль яклау бүлеге, спорт мәктәбе хезмәткәрләре – Эльза Де­мидова, Альбина Василье­ва, Айгөл Бигимова, Рәмилә Гыйльметьянова, Алсу Шаки­рова, Динара Гыйләҗетдинова азык-төлекне сатып алып, тартмаларга тутырып, Ка­зан хәрби комиссариатына озатуда үзләреннән зур өлеш керткән.

– Гуманитар ярдәм тартма­ларына этикеткалар ябышты­рып, авырлыгын билгеләп, эшне җиренә җиткереп баш­кару өчен кызлар вакыт белән исәпләшми хезмәт куйды, – ди Марина Бәдретдинова.

“Китаплар – Донбасска” акциясенә старт бирелүеннән дә хәбәрдардыр райондашла­рыбыз. Әлеге акция 2 апрельдә билгеләп үтелүче Халыкара ба­лалар китабы көне алдыннан башланды. “Бердәм Россия” сәяси партиясенең иҗтимагый кабул итү бүлмәләре инициа­тивасын безнең җирлектә дә күтәреп алдылар. Нәтиҗәдә район мәктәпләре һәм китапханәләр ярдәме белән төрле жанрдагы 500дән артык балалар китаплары тупланды.

– Акциянең максаты – Дон­басс балаларына уку, рус тел­ле мохиттә сәләтләрен үстерү мөмкинлеген тудыру. Рай­ондашларыбыз китап җыю пунктларына яхшы хәлдә са­кланган балалар әдәбияты, мәктәп дәреслекләре алып килде. Барлык китаплар да рус телендә, алар балаларга тап­шырылыр, дип ышанабыз, – ди үзәк китапханә мөдире Айсы­лу Мадьярова.

Лилия Шәймиева.