Истәлекле даталарга багышлап 

Яшьләргә хәрби-патриотик тәрбия бирү максатында узучы массакүләм оборона эше айлыгы бара. Шул уңайдан Рус Шуган мәктәбе базасында пневматик винтовкадан ату, автоматны сүтеп җыю буенча зона бәйгесе һәм Советлар Союзы Герое Петр Днепров призына корал белән саф кабул итү буенча ярышлар үтте. “Чараларда укучылар авыл тарихы, Петр Днепровның тормышы һәм батырлыгы белән танышты”, – дип хәбәр итә районның ДОСААФ оешмасы җитәкчесе Наил Бәдретдинов. Ярышларда 9 команда катнашты. Җиңүчеләр ДОСААФ оешмасының Мактау грамоталарына һәм кыйммәтле бүләкләргә лаек булды. Шундый ук чаралар Тат. Бүләр мәктәбе базасында да узды.

Фото –"Мөслим-информ" архивыннан.