Хоккей буенча турнир узды

Ярышта дүрт команда катнашты. Бәйгедә район үзәге командасына тиңнәр булмады. Икенче урында – “Яшьлек” (2004-2007 елгы), өченчедә – “Яшьлек” (2010-2012) командалары. Әти-әниләрдән торган команда дүртенче урын белән канәгатьләнде. Раил Имамиев турнирның иң яхшы уенчысы дип табылды. “Иң яхшы һөҗүмче” исеменә – Камил Сергеев, “Иң яхшы капкачы” исеменә Илназ Нуруллин лаек булды. Җиңүчеләр һәм призерлар, иң яхшы уенчылар Рәис Назаровның кызы Гөлнара әзерләгән исемле кубоклар, медальләр һәм призлар белән бүләкләнде.