Хезмәтләрен хөрмәтләп

Республиканың урман хуҗалыгын үстерүдәге казанышлары һәм күпьеллык нәтиҗәле хезмәте өчен “Минзәлә урманчылыгы” дәүләт казна учреждениесенең Усы участок урманчылыгы участок урманчысы Гыймранов Ринат Рәкыйп улына – “Татарстан Республикасының атказанган урманчысы”,
“Мөслим картлар һәм инвалидлар интернат-йорты” дәүләт автоном социаль хезмәт күрсәтү учреждениесе директоры Шакирҗанова Гөлнар Гарифҗан кызына халыкка социаль хезмәт күрсәтү өлкәсендәге казанышлары һәм намуслы хезмәте өчен – “Татарстан Республикасының атказанган халыкны социаль яклау хезмәткәре”,
район үзәк хастаханәсенең балалар табибы Мөҗипова Резеда Әнәс кызына халык сәламәтлеген саклау эшендәге казанышлары өчен “Татарстан Республикасының атказанган табибы” дигән мактаулы исем бирелде.
Мөслим муниципаль районы Башкарма комитеты җитәкчесе Демидов Рафаэль Тимофей улы – Татарстан Республикасы Мәгариф һәм фән министрлыгының “Мәгарифтәге казанышлары өчен”,
Мөслим сәнгать мәктәбенең халык уен кораллары бүлеге укытучысы Салихҗанова Дилбәр Рифкать кызы Татарстан Республикасы Мәдәният министрлыгының “Мәдәнияттәге казанышлары өчен” билгесе белән бүләкләнде.

Фото -  Pixabay.